Ана Брнабиќ и формално ја презеде функцијата вршител на должноста претседател на Србија, по оставката на Александар Вучиќ.
На примопредавањето во зградата на Претседателството, Вучиќ ѝ ги предаде документите и претседателскиот печат, а бидејќи денеска Брнабиќ го слави и роденденот, ѝ подари и букет цвеќе.
Брнабиќ ќе ја извршува функцијата до изборот на нов претседател. Таа стана првата личност во Србија која ги извршувала трите највисоки политички функции – премиер, претседател на Собранието и вршител на должноста претседател на државата.
Според законските рокови, изборите за нов претседател треба да се одржат најдоцна до 27 декември. Србија претходно, на 25 октомври, ќе гласа и на вонредни парламентарни избори.