Министерката за образование и наука, Весна Јаневска, најави дека се привршува процесот на консултации околу новиот закон за високо образование. При денешната посета на Технолошко-металуршкиот факултет, таа истакна дека ќе се одржи уште еден последен состанок со заинтересирана група, по што текстот на законот ќе влезе во официјална владина процедура.
Министерката потврди дека суштинскиот дел од работата на текстот е завршен, но Владата останува отворена за финални забелешки од засегнатите страни.
„Законот е веќе затворен, но да ги сослушаме сите што побараа средба и потоа ќе оди во владина процедура, што значи потреба законодавството да го провери уште еднаш законот, за да види дали е во согласност со други закони, дали е напишан така како што треба со правнички јазик итн. Потоа на владина седница да ги слушнеме сите членови на Владата и откога и тоа ќе се заврши оди во собраниска процедура, рече Јаневска одговарајќи на новинарско прашање при посетата на Технолошко-металуршкиот факултет“, изјави Јаневска.
Со ова се потврдува дека процесот на креирање на законското решение влегува во својата финална фаза, пред да биде ставен на дневен ред пред пратениците во Собранието.