Берово утрово беше најстудениот град во државата со минимална температура од 9 степени, додека најтопло во 8 часот е измерено во Гевгелија, информираат од Управата за хидрометеоролошки работи (УХМР).
Според мерењата на УХМР, ниски минимални температури се регистрирани и во Маврови Анови и Крива Паланка (12,1 степени), Битола (12 степени), како и на Попова Шапка и во Претор (13,3 степени).
Во Скопје, на мерната станица Петровец минималната температура достигнала 13,7 степени, додека во Тетово се измерени 13,9, во Прилеп 14,1 и во Струмица 14,4 степени.
Во Охрид се измерени 14,7 степени, Велес, Штип и Демир Капија забележаа минимални 15,1 односно 15,3 степени, а во Крушево и Виница 15,6 и 16,2 степени.
Највисоки минимални температури изминатата ноќ се измерени во Кавадарци (16,6 степени), Радовиш (17 степени), Гевгелија (18,5 степени) и Ѓуриште (18,6 степени).
Според утринските мерења во 8 часот, најтопло е во Гевгелија со 22,2 степени, Ѓуриште и Кавадарци со 21,4 степени, како и Крушево со 20,7 степени. Најсвежо во 8 часот останува во Берово со 15,8 степени и Маврови Анови со 16 степени.