Управата за хидрометеоролошки работи ги објави официјалните податоци за температурите измерени во 11 часот претпладне низ мерните станици во државата.
Според мерењата, највисока температура во овој дел од денот е регистрирана во Гевгелија, каде се измерени 25,3 степени.
Веднаш зад Гевгелија се Демир Капија со 25,1 степен, Струмица со 24,8 степени и Велес каде се регистрирани 24,4 степени Целзиусови.
Во Скопје, на мерната станица Зајчев Рид, во 11 часот се измерени 23,2 степени, додека во Штип термометарот покажуваше 23,1 степен.
Во градовите од централниот и источниот дел, Кавадарци бележи 23,9 степени, Крива Паланка 20,3 степени, а во Виница се измерени 19,5 степени.
Посвежо претпладне е регистрирано во Берово со 17,9 степени, Битола со 18,7 степени, Прилеп со 19,4 степени и Тополчани со 18,5 степени.
Во Охридскиот регион, односно во Претор, температурата изнесува 19,1 степен, а во Пожаране се измерени 17,7 степени.
Најниски температури, очекувано, се измерени на планинските станици, па така на Попова Шапка се регистрирани 9,3 степени, во Крушево 13,8 степени, во Маврови Анови 14,3 степени и во Лазарополе 14,5 степени.