Општина Пробиштип од денеска официјално отвори постапка за собирање на пријавите од граѓаните чии земјоделски култури и објекти беа целосно или делумно уништени во катастрофалниот пожар што избувна на 3 јуни.
Огнената стихија, која првично започнала како безопасен пламен во нива со жито во селото Неокази, под засилен притисок на силниот ветер брзо се проширила и направила пустош во атарите на уште две соседни села — Бучиште и Ратавица.
Како директна последица од оваа непогода, локалните власти формираа специјална Комисија за проценка на штетите која ќе излезе на терен веднаш по завршувањето на огласот, со цел да се подготви документацијата потребна за владина помош.
Градоначалникот Тони Тоневски апелираше до сите погодени жители будно да ги следат роковите и навремено да ги поднесат своите барања во општинската зграда за да може да започне процесот за делумно обесштетување.
- „Ние како општина имаме формирано комисија која ќе треба да ја утврди настанатата штета и согласно правилникот кој го има донесено Општина Пробиштип, ќе биде доставен до Советот. Понатаму ќе биде доставен до Владата, по што граѓаните делумно ќе бидат обештетени од оваа несакана појава“, изјави градоначалникот Тони Тоневски.