Италијански медиуми: Берлускони префрлен на интензивна нега, болен од леукемија
Силвио Берлускони, поранешниот италијански премиер, вчера заврши во болница на интензивна нега.
Како што пренесува „Кориере дела Сера“, прво се шпекулираше дека Берлускони имал некои респираторни проблеми, но, како што велат, поранешниот премиер боледува од многу посериозна состојба – леукемија.
Италијанските медиуми јавуваат дека Берлускони и претходно бил во болница поради оваа болест, а имал и пневмонија. Во болница го посетиле и неговите деца, пишува „24сата.хр“.
Берлускони, кој четири пати беше премиер, во последните години имаше бројни здравствени проблеми, а минатата недела беше пуштен од болница и потоа состојбата му се влоши, по што повторно беше хоспитализиран.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
