Основниот суд во Бијелина, БиХ, го потврди обвинението против лице со иницијали Л.Ц., кое е обвинето од Окружното јавно обвинителство во Бијелина за кражба на околу 2.500 евра од семејната куќа во Лопара.
Она што ја прави оваа кражба необична и шокантна е тоа што крадецот го искористил моментот кога семејството го погребувало синот, на 17 мај 2024 година, во периодот од 12 до 15 часот.
Обвинителството тврди дека обвинетиот го искористил фактот дека семејството на сопственикот на куќата, Ј.Л., било на погребот на неговиот син, по што влегол во незаклучената куќа со намера да стекне противправна имотна корист и од комодата во дневната соба зел торба со готовина во износ од околу 2.500 евра, пишува Аваз.
Парите биле вратени истиот ден, но тоа не ги менува околностите под кои, според обвинителството, е извршено кривичното дело.