Бранот на атмосферска нестабилност што го зафати кавадаречкиот регион попладнево се прошири и кон соседно Неготино, носејќи интензивни врнежи и засилен ветер.
За состојбата на теренот во овој дел од земјата информираше метеорологот Славчо Попоски.
„Среда 2 септември: Силно невреме и во Неготино проследено со обилен пороен дожд, силен ветер и силни електрични празнења“, објави Попоски.
Промената на времето донесе ненадејни поројни врнежи и зачестени громогласни празнења, поради што се апелира на претпазливост при движење на отворено.