Вчера во 08:50 часот, во ОВР Гостивар било пријавено дека во Медицинскиот центар Гостивар со тешки телесни повреди била примена 19-годишната А.О. од Гостивар.
Инцидентот се случил додека девојката се движела по улицата „101“, кога била нападната од кучиња скитници. Во обид да избега, таа паднала и при падот се здобила со повреди.
Од МВР информираат дека на местото на настанот бил извршен увид од увидна екипа на ОВР Гостивар.