Вистинска драма се случувала изминатава ноќ во Општата болница во Пожаревац, откако околу 01:45 часот избувнал пожар на Психијатриското одделение. Благодарение на присебноста на дежурниот персонал, избегната е поголема трагедија.
Вработените веднаш започнале со гаснење на пламенот со рачни апарати и започнале итна евакуација на пациентите на безбедна локација. Пожарникарите кои пристигнале на терен брзо го локализирале и целосно го изгаснале пожарот.
„Четири лица се полесно повредени, но тие се надвор од животна опасност и под постојан надзор на лекарите“, информираат од болницата. Останатите 15 пациенти се веќе префрлени и згрижени во други делови на здравствената установа.