Тројца мажи се здобиле со сериозни изгореници по силна експлозија што се случила вчера попладне во селото Враново кај Смедерево. Инцидентот се случил околу 16 часот во дворот на семејна куќа, кога повредените се обиделе да исечат боца со кислород.
Според првичните сознанија на истрагата, мажите верувале дека боцата е празна, но при обидот да ја пресечат со дупчалка, дошло до детонација на преостанатиот гас. Поради тежината на повредите, тие итно биле пренесени на лекување во Белград.
„Се сомнева дека експлозијата се случила кога тројцата мажи се обиделе да исечат боца со кислород. Се претпоставува дека мислеле дека боцата е празна и еден од нив зел дупчалка и почнал да ја сече на половина. Сепак, тогаш се случила детонацијата, бидејќи во боцата сè уште имало гас“, вели извор за српски „Курир“.
На местото на настанот интервенирале полицијата, екипи на брза помош и пожарникари кои го локализирале пожарот предизвикан од експлозијата. Основното јавно обвинителство во Смедерево води истрага за да утврди дали активностите во дворот биле пријавени и во согласност со законот.