Две лица се убиени, а едно е тешко повредено во вооружен инцидент што се случил за време на лов во јужна Норвешка, соопшти локалната полиција.
Пукањето се случило во близина на градот Халден, на околу 96 километри од главниот град Осло, во непосредна близина на шведската граница. Според првичните информации, осомничениот напаѓач бил уапсен на самото место на настанот, а надлежните веруваат дека тој не бил дел од ловџиската група.
Повредената жртва итно е пренесена во болница каде што и се укажува лекарска помош, додека полицијата продолжува со истражните дејства за целосно расветлување на околностите под кои се случила трагедијата.