Жена била погодена од гром утрово на островот Крк, за време на силното невреме со грмотевици што го зафати регионот на Кварнер.
Повредената жена веднаш била пренесена во Риечкиот болнички центар, каде што се наоѓа на одделението за интензивна нега, потврдија од здравствената установа.
Несреќата се случила околу 7:10 часот наутро, на познатата плажа во местото Башка.
Според првичните информации, жената била погодена од громот во моментот додека во рацете носела чадор за сонце.
Прва помош на лице место ѝ укажал спасувач од плажата, по што била организирана итна медицинска евакуација.
Таа со хеликоптер на Итната медицинска служба била експресно транспортирана до болницата во Риека.
Според неофицијални информации на локалните медиуми, станува збор за чешка државјанка која престојувала на летување.