По неодамнешното повлекување на радиодифузерот „Авротрос“ во август, Холандија официјално се враќа на Евровизија, а новиот холандски претставник за 2027 година ќе биде избран директно од радиодифузерот „НПО“, кој воедно ќе го емитува настанот.
„Холандија се враќа на Евровизија, а изборот ќе биде надгледуван од независен тим експерти“, соопштија од телевизијата.
Од „НПО“ нагласија дека по нивното барање фестивалот навистина да „обединува“, дознале дека организаторот, Европската радиодифузна унија (ЕБУ), веќе има преземено посериозни мерки во врска со правилата на натпреварувањето.
Потсетуваме дека претходното издание на Евровизија беше обележано со бојкот од страна на Холандија, Исланд, Шпанија, Ирска и Словенија поради учеството на Израел кој се наоѓа во воен период, при што Шпанија, Ирска и Словенија тогаш одбија дури и да го емитуваат натпреварувањето.
Новото издание на Натпреварот за песна на Евровизија е закажано за 15 мај 2027 година и ќе се одржи во бугарскиот град Бургас.