Француската полиција приведе вкупно 326 лица за време на прославите по триумфот на Пари Сен Жермен во финалето на Лигата на шампионите.
По историската победа на ПСЖ, илјадници навивачи излегоа на улиците во Париз и во други француски градови за да го прослават успехот на клубот. Дел од славењето, сепак, прераснало во инциденти, судири со полицијата и нарушување на јавниот ред и мир.
Според француските власти, најголемиот дел од приведувањата биле извршени во главниот град, каде што биле регистрирани случаи на вандализам, палење предмети и оштетување на јавен имот.
Безбедносните сили биле распоредени во голем број делови од Париз со цел да спречат ескалација на насилствата и да ја контролираат состојбата по натпреварот.
Пари Сен Жермен со освојувањето на трофејот ја испиша една од најзначајните страници во својата историја, но прославата на дел од навивачите беше засенета од инцидентите што следуваа по финалниот натпревар.
Француските власти најавија дека ќе продолжат со истрагите за сите регистрирани случаи на насилство и уништување на имот за време на прославите.