Граничниот премин „Евзони“ на македонско-грчката граница во моментов се соочува со сериозни технички проблеми. Силен удар од гром предизвика прекин во снабдувањето со електрична енергија и целосно го наруши работењето на клучните системи.
Агрегатите не се доволни, падна и системот за контрола
Според информациите кои први ги пренесоа српските медиуми, ситуацијата на терен е критична:
- Недоволно струја: Помошните агрегати во моментов не успеваат да обезбедат доволно енергија за непречено функционирање на сите уреди на преминот.
- Паднат интернет: Дополнителни тешкотии предизвика и дефектот со интернет-врската. Дури и во деловите каде што струјата е стабилизирана, компјутерските системи за пасошка контрола не работат.
Поради оваа комбинација од прекини на струја и комуникациски мрежи, настанаа сериозни застои и дојде до целосен колапс во работата на грчките гранични служби.
Неизвесност кај патниците кои патуваат ноќва
Проблемот е дополнително изразен бидејќи се случува во вечерните часови. Граѓаните кои планираат да ја преминат границата ноќва, револтирано и загрижено коментираат дека немаат точни информации за тоа колку ќе се чека и кога ќе се отстрани дефектот.
На возачите кои патуваат кон Грција им се препорачува, доколку се во можност, да ги користат алтернативните гранични премини „Меџитлија“ (Битола) или „Дојран“.