Целосната имплементација на новиот систем за влез и излез во Европската Унија (Entry/Exit System – EES), која стапи на сила на 10 април, предизвика вистински колапс на најголемите аеродромски центри во Европа. Патниците кои доаѓаат од земји надвор од ЕУ се соочуваат со повеќечасовни чекања поради задолжителното земање отпечатоци и фотографирање на пасошките контроли.
Најкритична е состојбата во Милано, Амстердам и Брисел, каде се регистрирани доцнења и до три часа. Според извештаите на „Airlines for Europe“, новите правила доведоа до стотици пропуштени летови, а авиокомпаниите веќе алармираат дека ситуацијата е неодржлива.
Дополнителен удар за европскиот авиосообраќај е и најавениот штрајк на кабинскиот персонал на „Lufthansa“.
„Штрајкот е најавен за среда и четвртoк (15 и 16 април) и ќе ги опфати сите полетувања од Франкфурт и Минхен, што дополнително ќе го зголеми хаосот во овој празничен период“, предупредуваат синдикатите.