Гвинет Палтроу се осврна на една од најпознатите љубовни приказни од своето минато и призна дека раскинувањето со Бред Пит тешко ѝ паднало.
Актерката за нивната врска зборуваше гостувајќи во поткастот „Friends Keep Secrets“, каде што откри и како изгледало нејзиното растење под големо внимание од јавноста.
Гвинет Палтроу и Бред Пит се запознале во средината на деведесеттите, во периодот кога таа штотуку ја градела својата кариера. Се запознале за време на снимањето на филмот „Se7en“ („Седум“), а меѓу нив набрзо се развила романса.
„Го запознав на сетот и некако тоа беше љубов на прв поглед. Навистина беше прекрасно. Беше навистина забавно“, рекла таа, пишува „People“.
Во тоа време, Гвинет имала само 22 години, додека Пит бил девет години постар. Нивната врска набрзо станала предмет на голем интерес од медиумите, особено откако популарноста на младата актерка почнала да расте.
„Бев многу млада, а работевме низ различни делови од светот“, рекла таа.
Парот во 1996 година направил чекор понатаму и ја објавил свршувачката, но до брак сепак не дошло. Нивната врска завршила следната година, а актерката подоцна признала дека тој период за неа бил многу болен.
Кога била прашана дали врската со Пит во тоа време ѝ изгледала нереално, речиси како филмска приказна, актерката објаснила зошто целата ситуација за неа била толку интензивна.
„Бев многу млада, а тој беше таа прекрасна филмска ѕвезда.“
Иако од нивното раскинување поминале децении, Гвинет Палтроу денес на поранешниот свршеник гледа со топлина. Како што вели, тие двајца останале во добри односи.
„Прекрасен човек. Го сакам.“
Сепак, самиот крај на нивната врска воопшто не ѝ бил лесен. Таа смета дека огромното внимание од јавноста што го добивале дополнително го отежнало целото искуство.
„Мислам дека медиумскиот аспект и сè што оди со тоа прави сè да изгледа многу поголемо отколку што навистина е. Мора да го носите тој лажен концепт за културно значење, тој дополнителен товар и дополнителниот срам поради тоа што не успеало“, рекла актерката.
По раскинувањето со Пит, нејзиниот приватен живот продолжи да го привлекува вниманието на јавноста. Во 2003 година се омажи за Крис Мартин, фронтменот на групата „Coldplay“. Тие добија две деца, Епл и Мозес, а во 2014 година објавија дека се разделуваат.
Гвинет неколку години подоцна повторно стапи во брак. Во 2018 година се омажи за продуцентот и сценарист Бред Фалчук, со кого и денес е во брак.