Поранешниот македонски премиер од редовите на ВМРО-ДПМНЕ се огласи на Фејсбук. Груевски на социјалната мрежа објави последно збогум за поранешниот емир на Катар.
-Почина поранешниот емир на Катар Хамад бин Калифа Ал Тани (1952-2026)со кого имав две средби, една во Скопје (октомври 2011г.) и една при официјалната посета во Доха (март 2012).
Исклучително интелигентен државник и соговорник од кого зрачеше стабилност, смиреност и мудрост. Човек кој го издигна Катар во секоја смисла, вклучувајќи и геополитички, правејќи го Катар многу позначаен на светската политичка сцена од тоа што го налага големината на таа земја. Човек кој покажа голем интерес кон Македонија.
Во неговото време беа поставени темелите на најинтензивната политичка и економска соработка меѓу Македонија и Катар, што водеше и до отворањето на катарската амбасада во Скопје.
Нека почива во мир, напиша Груевски.