Денес градоначалничката Данела Арсовска го соочува вториот насилник кој на 11 јули 2025 година ја нападна вербално, а при обидот за физички напад беше спречен и задржан од полицијата, информираат од Град Скопје.
Насилникот има долга листа на сторени сериозни кривични дела и одлежано повеќе години ефективна казна затвор за истите. Системот им дозволува да напаѓаат, да вршат насилство и да убиваат, поради што слободно се движат.
На 11 јули градоначалничката Арсовска беше физички нападната во Општина Чаир, при увид на терен, на локација каде се гради дивоградба спроти Полициската станица Чаир.
Со ова грубо насилство беа предизвикани телесна повреда и чувство на несигурност, загрозување и страв не само кај градоначалничката, туку и во јавноста, поради што, врз основа на оперативните наоди и безбедносната проценка спроведена од Агенцијата за национална безбедност, Министерството за внатрешни работи на 12 јули формално ѝ додели 24-часовна заштита. Ова формално признание ја нагласува реалната и непосредна опасност.
Основниот кривичен суд Скопје на 2 септември 2025 година ја донесе и јавно ја објави пресудата со која обвинетиот Сулејман Љамалари е огласен за виновен за сторено кривично дело – Насилство од член 386 став 3 во врска со став 1 од Кривичниот законик, по што му е изречена казна затвор во траење од две години, затоа што на 11 јули 2025 година ја нападна физички и изврши грубо насилство врз градоначалничката Арсовска.
Насилникот Љамалари не покажа каење за стореното и со својот однос континуирано ги исмејуваше судот и јавноста. Се очекува исходот од денешното судење, стои во соопштението на Град Скопје.