Метеопрогнозерот Славчо Попоски предупредува на драстична промена на временските услови на самиот крај на овој месец и почетокот на април. Според најновите прогностички модели, Македонија ја очекува студен бран кој по својот интензитет би можел да го засени и изминатиот јануари.
Попоски најавува екстремно ниски температури кои не се вообичаени за овој период од годината, што ќе донесе вистински зимски амбиент среде пролет.
„И јануари има да подзавиди на тоа што се црта на прогностичките модели на крајот од овој и во почетокот на месец април, голема катастрофа за овошките кои се во фаза на цветање“, најавува Попоски.