Тежок пожар избувнал во Ресенско и се движи во правец кон Пелистер, а во гаснењето се вклучени и противпожарни авиони „ер трактори“.
Според информациите од терен, огнот зафатил поголема површина со сува трева, ниска вегетација и шумски појас, а поради ветерот и сувото време пожарот брзо се шири.
Во интервенцијата учествуваат противпожарни екипи од земја, а поради сериозноста на состојбата биле ангажирани и воздушни сили за да се спречи ширењето на огнот кон повисоките делови на Пелистер.
Надлежните служби ја следат состојбата и се обидуваат да го локализираат пожарот пред да зафати поголема шумска површина.
Засега нема информации за повредени лица или за причината за избувнувањето на пожарот.