Голем пожар рано утрово избувна во трговскиот центар „Ењуб“, кој се наоѓа во населбата Нов Белград, јави српскиот јавен сервис РТС.
Според првичните информации од локалните медиуми, на местото на настанот веднаш биле упатени бројни противпожарни екипи.
Засега нема официјални информации за евентуално повредени или настрадани лица во овој инцидент.
Како што неофицијално дознава РТС, огнената стихија зафатила повеќе деловни локали, како и кровната конструкција на трговскиот центар.
Во гаснењето на пожарот на терен учествувале околу 40 пожарникари, кои интервенирале со десет противпожарни возила цистерни.
Поради сериозноста на ситуацијата и ширењето на огнот, жителите од околните станбени згради биле итно предупредени да ги затворат прозорците од своите домови.
Густиот црн чад кој се издигал над трговскиот центар утринава бил јасно видлив од повеќе делови на Белград.