Градоначалниците Орце Ѓорѓиевски и Александар Стојкоски извршија увид во активностите за реконструкција на пешачките патеки на територијата на општина Ѓорче Петров. Станува збор за потег со должина од четири километри, кој според надлежните, е еден од најфреквентните во овој дел од градот.
Проектот опфаќа целосно обновување на патеката која со години беше во лоша состојба. Покрај градежните работи на самата патека, планирано е и уредување на нови зелени коридори, со садење нови дрвја и уредување на зелените површини долж улицата.
Целта на оваа акција, како што наведоа Ѓорѓиевски и Стојкоски, е подобрување на безбедноста на учесниците во сообраќајот и зголемување на функционалноста на пешачкиот простор. Според нив, инвестициите во пешачката и велосипедската инфраструктура ќе продолжат и во следниот период, со цел уредување на градските површини.