Градоначалникот на Град Скопје, Орце Ѓорѓиевски, денеска во просториите на Град Скопје оствари средба со претседателот на Собранието, Африм Гаши.
За време на средбата било разговарано за меѓуинституционалната соработка и реализацијата на проекти од интерес за граѓаните.
„Во отворен и конструктивен разговор ја нагласивме важноста на силната институционална соработка во реализацијата на проекти што носат развој и подобар живот за граѓаните“, изјави Ѓорѓиевски.
Тој посочи дека напредокот на главниот град и на државата зависи од заедничката работа и отворениот дијалог меѓу институциите.
„Само со дијалог, обединетост и конкретна работа можеме да создадеме подобра иднина за Скопје и за цела Македонија. Благодарам за посетата и конструктивниот разговор!“, истакна тој.