Околу 30.000 граѓани, претставници на дипломатскиот кор, јавни личности, волонтери и млади денеска зедоа учество во најмасовната еко-акција за чистење на Скопје. Во рамките на иницијативата беа опфатени бројни локации низ градот со цел создавање поубави и поздравни услови за живот.
Осврнувајќи се на масовноста и заедништвото на граѓаните, градоначалникот Орце Ѓорѓиевски порача:
– Денес покажавме како се сака својот град! Со засукани ракави, со заедништво и со личен пример, илјадници наши сограѓани излегоа со една цел – почисто и поубаво Скопје!
Ѓорѓиевски упати и остра порака до несовесните граѓани кои ја загадуваат животната средина:
– Денешната масовност е силна порака и до сите што несовесно го загадуваат Скопје – почитувајте го трудот на вашите сограѓани! Зад секое исчистено катче стои нечија одвоена минута, нечија трудољубива рака и искрена желба за поубав град. Никој нема право тој труд да го поништува со својот неодговорност.
Од Општината најавија дека вакви акциски чистења ќе се организираат двапати месечно, со цел трајно градење навики за зачувување на животната средина и јавните површини.