Знаење, пријателства и спомени за цел живот – едукативно-научен камп во Охрид! Ова на Фејсбук го напиша скопскиот градоначалник, Орце Ѓорѓиевски.
-Охрид овие денови беше една голема училница под отворено небо, место каде што знаењето прерасна во вистинска авантура.
Нашите средношколци учеа, истражуваа, ја запознаваа богатата историја и култура на Охрид, се забавуваа и создадоа нови пријателства.
Се враќаат дома побогати со знаење, исполнети со прекрасни спомени и подготвени со нова енергија да ја започнат учебната година.
Но, најголемата вредност на овој камп не може да се измери со бројки.
Таа се гледа во нивните насмевки, во разбудената љубопитност и во пријателствата што ќе продолжат да живеат и по завршувањето на оваа охридска приказна.
Како градоначалник, следната година ќе направам сè што е во моја моќ бројот на учесници да го удвоиме.
Сакам уште повеќе наши средношколци да ја добијат оваа можност – да учат, да истражуваат, да се дружат и да создаваат спомени што ќе ги носат со себе цел живот.
Ви благодарам, дечки, за прекрасната енергија, за насмевките и за желбата за знаење!
Ваше е само да учите, да сонувате и да верувате во себе.
Наша обврска е да ви ги создадеме најдобрите услови за вашите соништа да станат реалност.
Зашто вие сте најголемата сила на Скопје и иднината на Македонија!
Најдоброто допрва доаѓа!, напиша тој.