Германската влада разгледува воведување данок на засладени пијалаци, како дел од планираните измени во здравствениот систем. Оваа мерка, според медиумските извештаи кои се повикуваат на владини извори, ќе биде интегрирана во буџетската рамка за 2027 година.
Целта на предлогот е да се воведе скалест систем на оданочување кој би зависел од количината на шеќер во безалкохолните и енергетските пијалаци. Според препораките на експертската комисија, пијалаците што содржат повеќе од пет грама шеќер на 100 милилитри би се оданочувале со 26 центи.
Засега, планот предвидува оданочување само на пијалаците, додека слатките и останатите прехранбени производи со висока содржина на шеќер нема да бидат опфатени со оваа мерка.
Покрај ова, властите во Берлин размислуваат и за дополнителни даночни притисоци во сегментите на алкохолот и тутунот. Дополнително, на маса е и предлог за воведување нови давачки за пластичната амбалажа, што би ја заокружило пошироката реформа на здравствениот и еколошкиот систем.