Германските власти соопштија дека Русија стои зад нападот со беспилотно летало кој минатиот месец беше изведен на аеродромот во Лајпциг.
На аеродромот Лајпциг/Хале во источна Германија, во близина на украински товарни авиони, на 4 август беше откриено беспилотно летало со експлозивна направа.
Леталото не експлодирало бидејќи детонаторот бил неисправен, а истражителите се сомневаат дека второ беспилотно летало се судрило со товарен авион во близина.
Министерот за внатрешни работи Александар Добриндт рече дека нападот на 4 август го следел „добро воспоставениот модел на руски хибридни операции во Европа“ и претпоставката била дека Германија повторно ќе биде цел.
Безбедносните експерти и претходно шпекулираа дека Русија можеби е одговорна за инцидентот, додека официјална Москва досега ги отфрлаше сите тврдења за нејзина вмешаност.