Гаши: Сѐ уште немаме конкретна понуда - сакаме да знаеме која ќе биде улогата на Алтернатива

Претседателот на Алтернатива Африм Гаши по средбата со премиерот Зоран Заев рече дека сѐ уште не добиле конкретна понуда.

-Сѐ не дојдовме да дискутираме за конкретни понуди. Стигнавме да зборуваме за концептот како да се излезе од оваа криза и кој е политичкиот контекст на земјата во однос на процесот на евроинтеграции и дали може Алтернатива да помогне во овој процес. Дискутиравме за супстенцијални прашања за државата. Доколку евентуално, хипотетички, дискутираме за можноста за да порасне актуелното мнозинство ние сакаме да знаеме која е улогата на Алтернатива. Ние нема да влеземе со сила никогаш во ниту една Влада ако не е можно да се остварат општите интереси на државата, на граѓаните, на Албанците  и на политичката партија Алтернатива, за која нормално мислиме дека и требаме на земјата, им требаме на Албанците, им требаме на сите граѓани, рече Гаши.