Во Собранието денеска ќе се одржи 14. пленарна сесија на Меѓународниот парламент за толеранција и мир, посветена на темата „Унапредување на толеранцијата и мирот: стратешката улога на парламентите во обликувањето и донесувањето политики за иднината“.
На настанот се предвидени обраќања на претседателот на Собранието, Африм Гаши, министерот за надворешни работи и надворешна трговија, Тимчо Муцунски, како и на претседателот на Глобалниот совет за толеранција и мир, Ахмед бин Мохамед Алџарван, и претседателот на Меѓународниот парламент за толеранција и мир, Џангранг Епаинете Сенде.
Свои обраќања ќе имаат и претседатели и заменик-претседатели на парламенти, како и генерални секретари на меѓународни парламентарни собранија.
Во рамки на завршната сесија се очекува да биде усвоена Скопската декларација на Меѓународниот парламент за толеранција и мир.