Наместо долга листа на функционери и институции, изгледа како приватен список со две лица. Антикорупциска го објави Каталогот на подароци за избрани и именувани лица за 2025-та година. Според евиденцијата, излегува дека државниот ревизор и собранискиот спикер се единствните функционери кои добивале поклони – или барем само тие двајца одлучиле да го почитуваат законот.
Ацевски добил украсна паричка, рамка со народна нсија, украсен брод и стаклена вазна. Гаши пак во име на државата примил златен меч во рамка, бисер во златна школка, рачно цртана порцеланска вазна и скулптура „глава на коњ“. Списокот не ја покажува реалната слика на примените подароци, смета и првиот Антикорупционер, бидејќи извештаи доставиле само 26 институции од вкупно 1374.
„Од причина што само 26 институции доставиле вакво известување сметам дека не ја прикажува реалната состојба. Бидејќи актуелниот закон не предвидува прекршочна санкција, ние ние тоа го детектиравме како проблем. Па така, во предложените измени на Законот за спречување на коруција и судирот на интереси предлагаме сите институции да доставуваат ваква евиденција без разлика дали имаат примени подароци или не. Дополнително, за неисполнување на обврската, првпат се предвидува пркршочна санкција“, изјави за Сител претседателот на ДКСК, Адем Чучуљ.
Казните по измените ќе се движат од 300 до 500 евра. Законот предвидува обврска сите институции да водат евиденција на примени подароци, и таа евиденција да ја достават до ДКСК најдоцна до 31 март во тековната, за изминатата година.
Освен поклоните на Гаши и Ацевски, има пријавено и 12 подароци кои ги добивале вработените во јавни институции. Станува збор за вина и тефтери. Државниот архив како поклон пријавил три клими кои чинат скоро 68 илјади денари, а Центарот за култура Браќа Миладиновци во Струга – подарок украсен предмет – акрил на дрво во вредност од 9 000 денари.
„Значи целата законска регулатива и меѓународна пракса е во насока дека е забрането примање на подароците, а тие што се примаат на протоколарни средби да стануваат државна сопственост“, додаде првиот Антикорупционер.
Одзивот за пријавување на подароци во ДКСК бил слаб и во изминатите години.