Меѓу 400 и 500 средни училишта во Франција денеска целосно или делумно ќе бидат затворени поради последиците од насилните ученички протести, соопшти францускиот министер за образование, Едуар Жефре, додавајќи дека најмалку 24 училишни установи биле запалени или вандализирани.
Појаснувајќи ја тековната состојба со наставата, министерот изјави: – Во петокот наставата беше прекината во меѓу 400 и 500 установи, а веројатно приближно толку ќе бидат затворени и во понеделник, но со делумно и постепено продолжување на наставата.
Од почетокот на протестите, надлежните служби регистрирале и сериозни инцидентни ситуации, при што повредени се 78 вработени во образовниот систем.