Поранешната учесничка во популарното реално шоу „Големиот брат“, Мики Ли, почина на 35-годишна возраст по кратка и тешка борба за живот. Таа последните денови ги поминала на одделот за интензивна нега, но и покрај напорите на лекарите, не успеала да ги надмине критичните здравствени компликации.
Семејството на Мики Ли ја потврди тажната вест преку емотивна објава на социјалните мрежи, истакнувајќи дека таа нè напуштила во раните вечерни часови на католички Божиќ. Како што пренесуваат медиумите, причина за нејзината смрт биле серија срцеви застои кои настанале како компликација по прележан грип.
Иако не победи во „Големиот брат“, Мики Ли важеше за една од најомилените учеснички која публиката ја запамети по нејзината автентичност и ведар дух.