Откриен е идентитетот на лицата кои беа пронајдени мртви во возило марка Мерцедес на Граничниот премин Блаце. Станува збор за Ејуп Тернава, Џенет Тернава и Фатмире Шабани, кои претходно беа пријавени за исчезнати од нивните семејства.
-„На 19.07.2026 во 22:35 часот во СВР Скопје е пријавено дека на патот ГП Блаце – Скопје има превртено возило ‘мерцедес’ со германски национални ознаки. Веднаш се упатени полициски службеници на местото на настанот и е утврдено дека во возилото има три починати лица (едно машко и две женски лица). Смрт констатирал лекар од Итна медицинска помош“, наведува МВР.
Претходно, во 13:40 часот, во Полициската станица Бит Пазар, државјанин на Косово пријавил дека три лица се исчезнати. Според пријавата, последен контакт со нив имал на 18.07.2026 година околу 22:15 часот, кога тие се наоѓале на аеродромот во Скопје.
Се преземаат мерки за расчистување на случајот.