Италијанката Сара Чекантини (37) загина во сообраќајна несреќа што се случила на Миконос, познатиот грчки остров. Како што се наведува во италијанските медиуми и медиумите од регионот, таа била на патување за да направи моминска забава пред својата свадба.
Трагедијата, која се случила на 15 јуни, длабоко ги потресе нејзиното семејство и пријателите. Сара била мајка на едно девојче со кое живеела во италијанскиот регион Арецо. Таа требало да се омажи за својот партнер, маж од областа Валдарано, следниот викенд.
Грчките власти започнале истрага за да ги разјаснат околностите на несреќата, додека засега достапните информации се уште се нецелосни.
Локалните медиуми наведуваат дека Сара од 2013 година работела во познатата компанија „Prada“.
На нејзините профили на социјалните мрежи се гледа мирен и исполнет приватен живот, со фотографии од значајни моменти како дипломирањето во 2014 година и прославата на 30-тиот роденден, како и патувања, меѓу кои и посета на плажа на Бахамите, и снимки од секојдневието на работа.