Во Општина Велес денеска се одржа првата конститутивна седница на новиот состав на Советот на Општина Велес, на која беа верификувани мандатите на 23 новоизбрани советници. Тие во наредните четири години ќе ги решаваат прашањата и проблемите од интерес на жителите на општината.
На седницата, советниците дадоа свечена изјава дека функцијата ќе ја извршуваат совесно и одговорно во интерес на граѓаните.
Утре е закажано продолжението на седницата, кога треба да се избере новиот претседател на Советот на Општина Велес, како и членовите на 11 советнички комисии.
Новиот совет брои 23 членови – 16 советници од ВМРО-ДПМНЕ и Коалицијата, тројца од СДСМ и коалицијата, тројца од Левица и една советничка од Движењето ЗНАМ. Во составот има 14 жени и девет мажи.