Македонската естрада се простува од актерот Кирил Поп Христов-Кили, кој почина на 58.годишна возраст во Еквадор, од инфаркт додека спиел.
Од него се прости актерот Драган Спасов Дац, со објава на Фејсбук.
ТВ режисерката Ана Глигорова со потресна порака: – Кили друже мој од старо маало кај парк, каде одлета прерано кон синото небо во твојата втора татковина.Помина низ премрежја на тешка болест – канцер, беше уверен дека алтернативната медицина и далечната земја ќе ти помогне во лечењето, и беше во право.Неверојатен во Тетовирање, одличен во музиката, мултиталент. Еден и единствен, роден бунтвоник, друже мој. Ќе завршам во твој стил – Ма немој да ме ј..беш бре! – упатен кон сите комформисти, опортунисти, малогаѓни и простаци.
Лејдис анд Џентлмен, ви го претсавувам новиот претендент за вечноста Кили Поп Христов, еден и единствен, напиша таа.
Се простија и Миа Костова и Весна Петрушевска.
Неговата сопруга, кореографката Гордана Деан-Поп Христова, за ЦрноБело изјавила дека тој починал во сон од инфаркт и дека таа ќе го памети само по убавите моменти поминати заедно.
Кили е роден на 30 јули 1967 година во Скопје. Дипломирал на Факултетот за драмски уметности во Скопје, на отсекот Актерска игра, во класата на професорот Љубиша Георгиевски во 1989 година. Од 1993 година работел во Македонски народен театар во Скопје.
Познат е по улогите во Тетовирање, Македонска Сага, Пикасо и Трст виа Скопје.
Нека почива во мир. Сочувство до семејството.