Две штотуку полнолетни млади момчиња, го загубија животот во страшна сообраќајна несреќа која се случила во Бања Ковиљача, Србија, на 05 Јули во 04 часот наутро.
Во несреќата животот го загубија возачот на автомобилот „Голф 4“, Марко Јанковиќ и неговиот сопатник Богдан Максимовиќ, пренесува српски „Телеграф“. Автомобилот кој се движел од правец на Лозница кон Бања Ковиљача, поради неприлагодена брзина излетал од коловозот и директно удрил во дрво, а од силината на ударот автомобилот останал целосно уништен и непрепознатлив.
Медицинската екипа на Брзата помош која пристигнала на местото на настанот за жал можела само да констатира смрт кај двете млади момчиња, а пожарникари го сечеле возилото за да ги извадат телата.
Извори од истрагата откриваат дека 18-годишниот возач поседувал пробна возачка дозвола.
Со истрагата раководи Основното јавно обвинителство во Лозница, по чија наредба е закажана и обдукција на телата на починатите.