Лидерот на СДСМ, Венко Филипче, ги отфрли тврдењата на ВМРО-ДПМНЕ за наводна промена на ставот околу францускиот предлог и ги нарече „уште еден обид за спин“ од партија што, како што рече, „не сака да го продолжи европскиот пат на земјата“. Тој најави предлог-резолуција со која се консолидираат претходните документи и се утврдуваат „црвените линии“ за јазикот, идентитетот и историјата, со повик до сите партии да ја поддржат „за да обезбедиме национален консензус“.
Филипче оцени дека „година и пол се на власт и ништо не сработија од реформите од заедничката реформска агенда со ЕУ“, а целта на власта, според него, е „контрола врз судството“. Тој ги отфрли и тврдењата за коалиции со ДУИ и Левица, додавајќи дека токму ВМРО-ДПМНЕ соработувала со нив „и во парламентот и на локално ниво“.
„Во нашата предлог-резолуција се содржани сите претходни документи… јасно кажуваме како се заштитени сите идентитетски одредници. Ги повикуваме сите партии заедно да ја поднесеме за да обезбедиме национален консензус,“ изјави Филипче, додавајќи дека овие прашања „не се за преговарање“
Филипче го обвини ВМРО-ДПМНЕ за застој во реформите: „Година и пол се на власт и ништо не сработија од реформите од заедничката реформска агенда со ЕУ,“ и порача дека целта на власта била „контрола врз судството“. „Сè што сакаат е да го контролираат судството… повторно партизирана држава како до 2017,“ рече тој.
Тој ги отфрли и тврдењата за коалиција со ДУИ и Левица, наведувајќи дека токму ВМРО-ДПМНЕ соработувала со нив „во парламентот и на локално ниво“. „Тие лаги не поминуваат повторно,“ додаде Филипче