Претседателот на СДСМ, Венко Филипче, во емисијата Клик Плус на ТВ 21 посчи дека дека изборот на нов обвинител од страна на владата е компромитиран од партиски влијанија и дека таквата пракса го загрозува независното судство во земјата.
„Кој предлог и да дојде во Собранието ќе разговараме, иако гледајќи како се поставуваат во Владата, прилично сум сигурен дека до предлог нема да дојде, само ако не може да се договорат со некој дека ќе им биде слепо послушен.“, истакна Филипче.
Тој додаде дека ваквите пракси се дел од поширок проблем со партизација на правосудството, што влијае на довербата на граѓаните и мотивирањето на младите да останат во земјата.
„Но гледајте како се поставува премиерот: во контекст на ова, веднаш некој може да биде дискредитиран, не може јавно да говори на телевизија. Тоа што е апсолутен владетел, тоа што им дадоа граѓаните толкава доверба на изборите во 2024 година, не значи дека може да си прават што сакаат и да ја држат земјата на место, без да се направи чекор напред кон Европската Унија“, заклучи Филипче.