Претседателот на СДСМ, д-р Венко Филипче, денеска упати честитка по повод големиот христијански празник Божиќ, повикувајќи на меѓусебна почит и грижа. Филипче истакна дека во овие турбулентни времиња, мирот е неопходен за да се продолжи со градење на праведно и толерантно општество.
Во своето обраќање, тој стави посебен акцент на борбата против дискриминацијата и почитувањето на различностите во државата.
„Посакувам сите заедно да градиме општество во коешто никој нема да биде дискриминиран, без разлика на етничката, националната, верската, родовата или каква било друга припадност и ориентација“, порача Филипче.