Претседателот на СДСМ, Венко Филипче, денеска остро реагираше на како што велат лагите и манипулациите на ВМРО-ОКГ и нивната пропагандна.
„Муцунски грмнал во Брисел, Тимчо. Ова веќе звучи смешно само по себе. Но, она што воопшто не е смешно е дека криминалната група на ВМРО преку нивните медиуми, сега внимавајте, ја обвинуваат Европската Унија дека не се спроведуваат реформите тука кај нас. Тимчо Муцунски, министер на криминалната група ВМРО, и во име на шефот на бандата Христијан Мицкоски, грмнал во Брисел и ја обвинил ЕУ дека таа е виновна што ние не ги спроведуваме реформите како услов за продолжување на преговорите. Значи вака, тие се виновни што ние не сме направиле ништо во однос на нашите обврски. Кој е овде луд? Тие ништо не работат на реформите, па им е виновна Европската Унија“, истакна Филипче.
Тој нагласи дека вистината е сосема поинаква од пропагандата што ја пласира ВМРО.
„Накратко, Тимчо воопшто не грмнал таму, бил потивок од есенски дожд. Муцунски, исто како и Мицкоски дома, пред македонските граѓани зборуваат едно, но во Брисел зборуваат друго“, рече Филипче.
Претседателот на СДСМ посочи дека Владата не ги исполнува реформите затоа што реформите значат одговорност, независно судство и борба против криминалот и корупцијата.
„Реформите значат независно судство, европско јавно обвинителство и одговорност. Некој мора да одговара за кражбата. А тие тоа не го сакаат“, потенцираше Филипче.