Претседателот на Социјалдемократскиот сојуз на Македонија, д-р Венко Филипче, во вечерашната емисија „Клик Плус“, на ТВ 21, го отвори прашањето, дали премиерот Христијан Мицкоски на средбата со генералниот секретар на НАТО, Марк Руте, го информирал дека ќе го враќа името на државата и за излегување од НАТО сојузот.
„Што разговарал премиерот Мицкоски со генералниот секретар на НАТО, Марк Руте, дали го користел уставното име, дали на и него му кажал дека ќе го враќа претходното име Поранешна Југословенска Република Македонија и дека ние ќе излеземе од НАТО? Или сега е свесен какви бенефити има државата од тие политики со кои што тој не се согласуваше додека беше во опозиција. Многу е важно да знаат граѓаните кој е кредибилен со своите изјави, затоа што луѓето пратат свесни се и не може да се прелажат по кој знае кој пат, затоа што тоа еднаш веќе на Христијан Мицковски на ВМРО-ДПМНЕ им успеа во минатото“, рече Филипче.
Во интервјуто Филипче нагласи дека раководството на НАТО будно прати што се случува во Македонија.
„Генералниот секретар Марк Руте кажа дека е јасно дека Иран се групира заедно со Русија и Кина, спротивно на интересите на САД и НАТО.Што ќе кажат членовите на владата и премиерот кога секојдневно еве и ние вадиме информации дека имаат тесни врски со луѓе кои што имаат врска со Русија. Не одговорија на прашањето кој е Душан Адамовиќ, ново поставениот конзул на Македонија во Србија, човек кој вели дека Македонија е окупирана територија српска територија кој што негува блиски односи со Русија. Каков е одговорот за релациите на вицепремиерот, Иван Стоиљковиќ кој има отворени состаноци со „Ноќните волци“ луѓе блиски до рускиот претседател Путин, за кои што ќе повторам, генералниот секретар на НАТО Марк Руте кажува дека е спротивно на интересите на НАТО и САД“, потенцираше Филипче.