Претседателот на СДСМ, Венко Филипче, синоќа присуствуваше на приемот по повод Националниот празник на Франција – 14 Јули, кој го организираше Амбасадата на Франција во Скопје.
Филипче по повод празникот упати честитка и ја истакна важноста на односите меѓу двете земји.
„Ми беше чест вечерва да присуствувам на приемот по повод Националниот празник на Франција, организиран од Амбасадата на Франција во Скопје и Н.Е. амбасадорот Кристоф Ле Риголер. Македонија и Франција ги поврзуваат силно пријателство, блиска соработка и заедничка посветеност на европските вредности. Честит 14 Јули – Националниот празник на Франција!“, објави Филипче на Фејсбук.