Припадник на Иранската револуционерна гарда, баран со меѓународна потерница од САД за кибер-криминал тежок милијарди долари, вчера беше лишен од слобода во Котор, Црна Гора.
Амир Барати (39), кој има двојно државјанство – турско и иранско, е уапсен во координирана операција на локалните безбедносни служби и американското ФБИ.
Црногорската полиција соопшти дека Барати е обвинет за заговор, компјутерска измама и хакирање и кражба на идентитети, дела за кои веќе се процесира пред Високиот суд во Њујорк.
Според доказите на американските истражни органи, обвинетиот повеќе од една деценија дејствувал како соработник на иранска фирма преку која биле нападнати над 150 американски универзитети. Сите украдени бази на податоци завршувале кај Иранската револуционерна гарда, а вкупната материјална штета изнесува 3,4 милијарди долари.
По апсењето, истражен судија од Вишиот суд во Подгорица му одреди мерка, а црногорските власти потврдија дека тој ќе биде екстрадиран во Соединетите Американски Држави.