Европската радиодифузна унија (ЕБУ) воведува нови правила за изборот за песна на Евровизија од следната година, според кои победата повеќе нема автоматски да гарантира домаќинство доколку земјата е вмешана во каков било конфликт.
Во вакви случаи, Управниот одбор на фестивалот ќе ја преземе одлуката и ќе има дискреционо право да одреди друга држава за домаќин на манифестацијата.
„Доколку моменталната ситуација влијае врз фестивалот, државата нема да може да е домаќин и покрај победата“, се наведува во соопштението.
Измените на правилникот доаѓаат по овогодинешните тензии и притисоци од повеќе земји учеснички, предводени од Ирска и Шпанија, кои бараа исклучување на Израел од натпреварувањето и најавија бојкот доколку оваа земја остане на листата на учесници.