Евакуирани села, изгорени куќи, блокирани патишта, сообраќајни застои. Пожари на повеќе точки во пробиштипскиот регион направија хаос и предизвикаа страв меѓу локалното население.
На пладне, во село Неокази избувна голем пожар. Поради ветрот, пламенот брзо се прошири кон соседните села Бучиште и Ратавица. Надлежните на терен дејствувале со сите сили.
На терен дејстуваа и ер тракторите.
Поради сериозноста на ситуацијата евакуирани се три села. Повозрасните граѓани ги напуштија своите домови, а помладите им помагаа на пожарникарите во гаснењето.
Силниот пламен беше причина и за сообраќајка на патот Штип-Пробиштип, при што две лица итно се пренесени во болница. Затворени беа и повеќе патни правци околу овој регион.
Пожар избувна и во селото Чардаклија каде гореше ниска вегетација и жито.
Попладнево избувна пожар беше пријавен и близу железничката станица во Штип.
Евакуирани беа и вработените во приватна компанија. Благодарение на брзата интервенција на штипските пожарникари огнот беше локализиран.
Според последниот пресек на ЦУК, денеска се регистрирани 6 пожари на отворен простор, од кои 5 во околината на Штип.