Земјите од Европската Унија одобрија нови, построги имиграциски правила за украинските државјани на воена возраст, соопшти портпарол за германската агенција ДПА.
Оваа одлука, донесена на барање на официјален Киев, има за цел да ги спречи лицата кои избегнуваат воена обврска да ги користат бенефициите за олеснет влез во Унијата.
Според новиот договор, Украинците на возраст од 23 до 60 години ќе можат да користат привремена заштита во ЕУ само доколку имаат одслужено воен рок или поседуваат официјално ослободување од воената обврска. Измените ќе важат исклучиво за мажите кои за првпат пристигнуваат на територијата на ЕУ.
Лицата на воена возраст и понатаму ќе имаат можност да поднесуваат барања за азил, но нивните шанси за добивање престој и заштита ќе бидат значително намалени.
Досега, воените бегалци од Украина се примаа според Директивата за привремена заштита без поединечна проверка на секој случај, што овозможуваше брза и поедноставена процедура.
Во иднина, украинските мажи ќе мора да приложат пасош со излезен печат од украинските власти или официјален документ со кој потврдуваат дека ја исполниле или се ослободени од воената обврска.