Нападите извршени од Соединетите Американски Држави врз бродови во меѓународните води на Карипското Море, за кои се тврди дека се поврзани со Венецуела, претставуваат опасна ескалација и „вонсудски егзекуции“, објави денес група независни експерти на Обединетите нации. Во соопштението, експертите на ОН признаа дека претседателот на Соединетите Американски Држави, Доналд Трамп, ја навел борбата против трговијата со дрога како основа за овие операции, но тие оценија дека „дури и ако овие тврдења се докажат, употребата на смртоносна сила во меѓународни води без законска основа претставува кршење на меѓународното право на морето и вонсудските егзекуции“, објави Ројтерс.
Независни експерти, назначени од Советот за човекови права на ОН, додадоа дека нападите го нарушуваат суверенитетот на Венецуела и претставуваат кршење на основните меѓународни обврски на САД да не се мешаат во внатрешните работи на други земји, ниту да им се закануваат со сила.a.